Ақпан айының 24-і күні мектебіміздің 7–8 сынып оқушылары арасында «Нашақорлық – қоғам дерті» тақырыбында түсіндіру жұмыстары жүргізілді.

Ақпан айының 24-і күні мектебіміздің 7–8 сынып оқушылары арасында «Нашақорлық – қоғам дерті» тақырыбында түсіндіру жұмыстары жүргізілді. Іс-шара барысында есірткі заттарын қолданудың адам денсаулығына, жүйке жүйесіне және психикасына тигізетін кері әсері туралы нақты мысалдар келтіріліп, жан-жақты ақпарат берілді.
Оқушыларға нашақорлықтың адам өміріне, отбасы мен қоғамға әкелетін зияны түсіндіріліп, зиянды әдеттердің алдын алу жолдары айтылды. Сондай-ақ, салауатты өмір салтын ұстанудың маңыздылығы ерекше атап өтілді.
Кездесу барысында оқушылар өздерін толғандырған сұрақтарын қойып, тұщымды жауаптар алды. Тақырып кеңінен талқыланып, оқушылардың ой-пікірлері тыңдалды.
Іс-шараның негізгі мақсаты – жасөспірімдер арасында есірткінің зияны туралы түсінікті қалыптастыру және оларды зиянды әдеттерден аулақ болуға шақыру.