Мектебімізде оқушылар арасында салауатты өмір салтын насихаттау және зиянды әдеттердің алдын алу мақсатында «Таңдау өз қолыңда» атты ақпараттық күн ұйымдастырылды.

Мектебімізде оқушылар арасында салауатты өмір салтын насихаттау және зиянды әдеттердің алдын алу мақсатында «Таңдау өз қолыңда» атты ақпараттық күн ұйымдастырылды.
Аптаның ашылуы жалпы мектептік саптық жиында өтті. Жиын барысында оқушыларға есірткі заттарының адам денсаулығына, психикасына және болашағына тигізетін зияны туралы кең көлемде ақпарат берілді. Сонымен қатар, зиянды әдеттердің құқықтық салдары түсіндіріліп, жасөспірімдерді саналы таңдау жасауға шақырды.
Іс-шара аясында мектеп оқушыларына есірткінің зардабы туралы әлеуметтік бейнеролик көрсетілді. Бейнеролик арқылы оқушылар зиянды заттардың адам өмірін қалай құрдымға апаратынын, отбасы мен қоғамға тигізетін кері әсерін көріп, ой түйді.
Ақпараттық күннің мақсаты – оқушылардың есірткіге қарсы иммунитетін қалыптастыру, өз өміріне жауапкершілікпен қарауға тәрбиелеу және «таңдау өз қолында» екендігін ұғындыру.
Осындай тәрбиелік маңызы зор іс-шаралар алдағы уақытта да жалғасын табады.